Entdeckt eis Offer am Beräich vun der Ëmweltbildung

fir Schoulklassen, Jugendlecher an Erwuessener.

D’Minett-Regioun am Süde vum Lëtzebuerg ass zanter 2020 dat éischt UNESCO-Biosphärereservat vum Land. Et erstreckt sech op méi wéi 200 km² a gëtt vum Syndicat PRO-SUD geréiert. Dës Géigend verbënnt en aussergewéinlechen natierleche Räichtum, eng Biodiversitéit, déi nom Enn vum Minett-Dagebau neess entstanen ass, e schützenswäerten historesche Patrimoine an eng modern urbanistesch Entwécklung, déi duerch de permanente Wuesstem vun der Populatioun néideg ass.

© Marc Weis

© Esch2022 / Emile Hengen

© Minett UNESCO Biosphere

Fir d’Bevëlkerung iwwert d’Bedeitung vun der Biodiversitéit z’informéieren a Léisunge fir déi ökologesch Erausfuerderungen ze fannen, gouf de Projet MiNELL – Minett Natur an Ëmwelt LéierLab am Januar 2022, mat der finanzieller Ënnerstëtzung vum Fonds National de la Recherche lancéiert. Knapp 2.000 Persounen, dorënner ronn 1.400 Kanner a Jugendlecher, konnten esou un interaktiven an interdisziplinären Atelieren deelhuelen a méi iwwert den natierlechen, historeschen a kulturelle Räichtum vum Minett gewuer ginn.

Dësen innovative Projet geet elo an eng nei Phas. Eppes bleift awer erhalen: Déi kreativ a partizipativ Vermëttlung vun Sujeten aus de Beräicher Naturwëssenschaften a Ëmweltgestioun u Kanner, Jugendlecher an Erwuessener. 

Sidd dobäi, a loosst Iech fir de Schutz vun eiser eenzegaarteger Ëmwelt begeeschteren!

LéierLabs fir jiddereen

Klickt hei fir all d’Ëmweltbildungs-Atelerien z’entdecken, déi vun der Minett UNESCO Biosphere, dem Naturschutzzentrum Ellergronn an den 11 Gemengen, déi Deel vum eenzege Lëtzebuerger Biosphärereservat sinn, organiséiert ginn.

LéierLabs fir Kanner a Jugendlecher

Klickt hei fir déi verschidde pedagogesch Atelieren z’entdecken, déi d’Minett UNESCO Biosphere fir Kanner a Jugendlecher am Kader vum MiNELL – Minett Natur an Ëmwelt LéierLab proposéiert.

De MiNELL ass bei den FNR Awards 2024 mam Präis an der Kategorie “Outstanding Promotion of Science to the Public” ausgezeechent ginn.

D’Partner vum MiNELL – Minett Natur an Ëmwelt LéierLab