Spezifesch Zielgruppen

Och wann déi néng Pilotgebidder änlechen Erausfuerderunge géigeniwwer stinn, huet all Gebitt spezifesch Ëmstänn opweises. An dësem Projet ginn eng Rei Interventioune realiséiert, déi geziilt op spezifesch Gruppen an all Gemenge fokusséiert sinn – wéi vulnerabel Populatiounen, eeler Leit, Jugendlecher, kleng a mëttel Betriber, Immobiliebesëtzer a Visiteuren. Duerch d’Kombinatioun vun dësen Efforte soll de Projet de gréisstméiglechen Impakt am Reduzéiere vun Hëtztstress an der Verbesserung vum allgemenge Wuelbefannen, der Biodiversitéit an der Ëmweltqualitéit an der ganzer Interreg-Regioun Nordwest Europa hunn.

Co-kreatioun

Wärend et Strategie gëtt fir stättesch Hëtztproblemer unzegoen, begéinen ënnerschiddlech Quartieren ënnerschiddlechen Niveauen vun Hëtztsress. All d’Partner am Projet schaffen zesummen, fir Formatiounen a Quartierspläng ze erstellen, déi den Hëtztstress reduzéieren an d’Liewensqualitéit verbesseren. Dës Pläng si spezifesch ugepasst fir all Standuert op Basis vun detailléierte Käschte-Notzen-Analysen an Daten, déi duerch “citizen science” an engem partizipative Prozess gesammelt sin. Déi gemeinsam Entwécklung an Ëmsetzung soll d’Ënnerstëtzung vun den Interessegruppe fuerderen, d’Resilienz vun der Gemeinschaft stäerken an d’Eegeverantwortung fir d’Zukunft stäerken. En Index fir Liewensqualitéit quantifizéiert den Impakt an erlaabt Vergläicher tëschent Quartiere fir zukünfteg Interventiounen. De Projet baut och op d’Wëssen an d’Instrumenter op, déi vun aneren europäesche Projeten, wéi dem fréiere Cool Towns Projet an dem Nature Smart Cities Projet, fir d’Reduktioun vun Hëtztstress ausgeschafft goufen.

Typpe vu Quartieren

Risike fir d’ëffentlech Gesondheet an dicht besidelte Regioune vun Nordwesteuropa klammen, wat zu enger wuessender Demande no Méiglechkeete féiert, fir d’Quartieren an de kommende Joren ofzekillen. Dës Beräicher sinn op Basis vun dräi Aarte vu Quartieren:

– Stadzentrum,

– Gréngzonen an

– deprivilegéiert Beräicher

an Holland, der Belsch, Frankräich a Lëtzebuerg ausgewielt ginn, an et ass virgesi méi wéi 30.000 Quadratmeter ëffentleche Raum ze begréngen.

De Projet ziilt och drop of, d’allgemeng Liewensqualitéit an dëse Quartieren ze verbesseren, abegraff Gesondheet, Erhuelung a soziale Verbindungen, an och fir e Bewosstsinn ënner den Awunner ze kreéieren.

Wéi maache mir eis Quartiere resilient géint d’Hëtzt?

D’Planze vu Beem, d’Opriichte vu Sonneseegelen, an d’Multiplikatioun vu Waasserspiller sinn erfollegräich Strategien, fir de Hëtztstress ze reduzéieren. Dës Mesuren halen net nëmmen d’Plaze méi kill, et mécht si och méi attraktiv fir ze wunnen an et kann och zousätzlech Virdeeler bidden, well méi gréng Plazen d’Biodiversitéit erhéije kënnen.

Zesumme baue mir eng méi kill a liewenswäert Zukunft fir jiddereen a stelle sécher, datt all d’Gemengen a ganz Nordwesteuropa vun de Resultater profitéiere kënnen. Mat engem Fokus op d’Reduktioun vu Risiken duerch Hëtzt an d’Verbesserung vun der Liewensqualitéit, ass de Projet dozou geduecht, en nohaltegt Ierwe fir zukünfteg Generatiounen ze hannerloossen.

De Projet “Cool Neighbourhoods” gëtt ënnerstëtzt vum europäeschen Interreg Nordwest Europa Programm.

Fir méi Informatiounen iwwer “Cool Neighbourhoods” an seng transformative Wierkung, kuck op coolneighbourhoods.nweurope.eu.