Wéi och am leschte Joer ginn nees eng Rei vun Administratiounen a Veräiner en Abléck an hir Aarbecht a weisen interessant an nëtzlech Aspekter dovunner.

Hei sinn e puer vun den Informatiounsstänn, déi den 18. Mee am Ellergronn ze fanne sinn.

Den Office Régional de Tourisme, Visit Minett, presentéiert de ganzen Dag iwwer déi touristesch Highlights vum Süde vu Lëtzebuerg, deen een op kee Fall verpassen däerf.

Meetincs presentéiert eng Rëtsch vu Segwayen a proposéiert Entdeckungstouren duerch den Ellergronn mat dëse Gefierer.

D’Fédération Saint-Hubert des Chasseurs du Grand-Duché de Luxembourg informéiert op hirem Stand iwwer déi wëll Déieren zu Lëtzebuerg, hir Liewensraim an hiert Liewen.

D’Bamschoul der Naturwaltung (ANF) presentéiert hir Aarbecht fir jonk a méi klimaresilient Beem fir d’Lëtzebuerger Bëscher ze zillen.

D’Minett UNESCO Biosphere erkläert op hirem Stand d’Roll vun de Beem beim Späichere vum CO₂ aus der Atmosphär spillen a gitt Iech d’Méiglechkeet selwer ze rechne wéi vill CO₂ bestëmmte Beem scho gebonnen hunn.