Stellt Iech e puer vun den impressionantste roude Fielswänn an Europa vir,rar Orchideeën op fréieren Dagebau-Flächen, Schof, déi aussergewéinlechaarteräich Dréchewisen erhalen, a Panoramablécker, déi d’Industriegeschicht vuLëtzebuerg op ee Bléck erzielen.
Tëscht Diddeleng, Käl a Rëmeleng geleeën, ass dëst Naturschutzgebitt mat bal 600 Hektar dat gréisst an der Regioun. Joerzéngtelaang gouf hei déi bekannt „Minette“ ofgebaut, d’Eisenäerz, dat d’Identitéit vum Süde vu Lëtzebuerg gepräägt huet. Haut sinn d’Dagebaugebidder zu Réckzuchsraim fir eng aussergewéinlech Biodiversitéit ginn a maachen dëst Gebitt zu engem bemierkenswäerte Beispill dofir wäi dßNatur sech regeneréiere kann.
Eng Landschaft, an där d’Geschicht am Fiels geschriwwe steet
Op den éischte Bléck beandrockt d’Villfalt vun de Landschaften. Grouss Fielswänn, fréier Minièresgalerien, renaturéiert Schlakentippen an oppe Plateaue sinn Zeie vun der industrieller Vergaangenheet vun der Regioun. Hei stinn industriellt Ierwen an Natur awer net am Géigesaz: Si bestinn niewenteneen a ergänzen sech.
Zanter dem Enn vum Biergbau an den 1970er-Joren huet d’Vegetatioun déi fräigeluechte Biedem lues a lues zeréck eruewert. Dësen natierleche Prozess, bekannt als ekologesch Successioun, huet zu engem eenzegaartege Mosaik aus Dréchewisen, Pionéierbëscher an historesche Bichebëscher gefouert, fir deen de Site haut bekannt ass.
 |
 |
 |
 |
 |
 |
Aussergewéinlech Biodiversitéit am Häerz vum Minett
Haut gëllt d’Haard als ee vun den aarteräichsten Naturgebidder zu Lëtzebuerg. Méi wéi 900 Planzenaarte goufen hei nogewisen, dorënner iwwer 25 Aarte vu wëllen Orchideeën. Am Fréijoer an am fréie Summer bedecken d’Bléien d’Dréchewisen a lackele vill bestëbsend Insekten un.
Duerch de Biergbau entstane Fielswänn a Schlakebierger bidden zousätzlech ideal Liewensraim fir vill Déierenaarten. Den Uhu këmmert sech ëm seng Näschter an de Fielswänn, iwwerdeems d’Mauereidechsen vun de sonnegen a waarme Fläche profitéierenn. Ornithologe gesinn hei reegelméisseg d’Bëschléierchen, eng typesch Aart vun den oppene Landschaften am Minett. Mat méi wéi 120 nogewisene Vullenaarten an enger aussergewéinlecher Villfalt u Päiperleken, wëlle Beien a Reptilien ass d’Naturschutzgebitt haut ee vun de wichtegste Biodiversitéitsreservoiren am Land.
D’Haard zu Fouss entdecken
Déi bescht Aart, d’Kärzon z’entdecken, ass eng Wanderung. Zwee markéiert Léierweeër erlaben et de Visiteuren, déi bemierkenswäertst Landschaften am Gebitt z’erfuerschen. Ënnerwee entdecken si fréier Dagebau-Flächen, spektakulär Aussiichtspunkten iwwer d’Däller aus der Ëmgéigend, déi al Bichebëscher vum Kalebierg an dem Laangebierg souwéi eng vun den impressionantste kënschtleche Fielswänn an Europa.
Beim Wandere gëtt och däitlech, wéi d’Natur aus engem fréieren Industriegebitt e Schutzgebitt gemaach huet, dat um europäeschen Niveau iwwer d’Natura-2000-Netzwierk unerkannt ass.
Virtuelle Rondgang duerch d’Kärzon
E Bësch, deen sech fräi entwéckele kann
Am Häerz vum Schutzgebitt läit d’Naturbëschreservat Haard. Op méi wéi 150 Hektar gouf bewosst op mënschlech Agrëff verzicht, fir datt de Bësch sech no sengen natierlechen Dynamike kann entwéckelen.
Al Biche falen ëm, zersetzen sech a ginn zu wäertvolle Liewensraim fir Champignonen, Insekten, Fliedermais a Bëschvillercher. Dëse Fräiloftlabo mécht et méiglech, déi natierlech Funktiounsweis vun engem europäesche Bëschëkosystem hautno z’observéieren.
Wat gëtt et ronderëm Haard-Hesselsbierg-Staebierg z’entdecken?
Eng Visitt vun dëser Kärzon léisst sech gutt mat der Entdeckung vu verschiddenen emblematesche Plazen an der Minett UNESCO Biosphere verbannen:
Den italieenesche Quartier zu Diddeleng
Entdeckt d’Geschicht vun de Familljen, déi zum industriellen Opschwong vu Lëtzebuerg bäigedroen hunn, an dësem emblematesche Quartier vun der italieenescher Immigratioun. 👉 Den italieenesche Quartier entdecken
De Gehaansbierg
Eng historesch Plaz mat enger schéiner Vue iwwer Diddeleng an d’Landschafte vum Minett. 👉 De Gehaansbierg besichen
De Centre national de l’audiovisuel (CNA)
Eng wichteg Referenzplaz, fir déi visuell an audiovisuell Geschicht vu Lëtzebuerg z’entdecken. 👉 Den CNA entdecken
Den Dokumentatiounszentrum fir mënschlech Migratioun (CDMH)
Eng wichteg Plaz, fir d’Migratiounsgeschicht ze verstoen, déi de “Bassin minier” gepräägt huet. 👉 De CDMH besichen
De Minett Trail
Setzt Är Entdeckung um bekannte Wanderwee fort, deen duerch déi emblemateschst Landschafte vum Süde vu Lëtzebuerg féiert. 👉 De Minett Trail entdecken
Den Arboretum „An Aenzelen“
Dësen Arboretum zu Rëmeleng, deen op enger sanéierter fréierer Deponie ugeluecht gouf, besteet aus méi wéi 100 Bam- an Heckenaarten an ass eng ideal Etapp fir Botanikbegeeschterter. 👉 Duerch den Arboretum spadséieren
 |
 |
 |
E Symbol vun der Minett UNESCO Biosphere
D’Kärzon Haard-Hesselsbierg-Staebierg weist exemplaresch d’Missioun vun engem UNESCO-Biosphärereservat: aussergewéinlech Naturflächen ze schützen an dobäi d’Geschicht an d’Identitéit vun engem Territoire sichtbar ze maachen.
Hei sinn déi fréier Biergwierker net nëmmen Zeie vun enger industrieller Vergaangenheet. Si sinn zur Grondlag vun enger bemierkenswäerter Biodiversitéit an enger eenzegaarteger Landschaft ginn, an där d’Natur Dag fir Dag hir impressionant Aarbecht vun der Regeneratioun weiderféiert.