Wësse mat Spaass vermëttelen

Wie seet, datt een am Hierscht net wandere kann?

Mir, vun der Minett UNESCO Biosphere, sinn der Meenung, datt et kee schlecht Wieder, mä just déi falsch Kleedung gëtt, an duerfir hu mer dëst gemaach.

Schnitzeljuegd a Wanderung

De Samschdeg, 12. November, hunn 11 virwëtzeg Jonker den Challenge ugeholl an hu bei der éischter Schnitzeljuegd a Wanderung, déi vun der Minett UNESCO Biosphere am Bësch vum Ellergronn zu Esch-Uelzecht organiséiert gouf.

Den Haaptbut vun der Manifestatioun war et d’Ëmweltbewosstsinn am Bezuch op d’Biodiversitéit an d’Ökologie vum Bësch ze schäerfen, andeems d’Ausmooss vun Ëmweltschied am Zesummenhang mat de fréiere Biergbauaktivitéiten erfuerscht an d’Bedeitung vum Ëmweltschutz betount goufen – an dat alles verbonne mat vill Spaass.

D’Erausfuerderung

Um Sentier didactique am Bësch am Ellergonn ware siwen Objete verstoppt, déi engem e Rätsel opginn hunn, wat engem de Wee bei den nächsten Objet gewisen huet. D’Participanten, déi an dräi Gruppen opgedeelt goufen, hunn d’Rätsele musse léisen an d’Stopp vun den Objeten fannen, well just dee Grupp, deen déi meeschten Objete fonnt huet, de Concours gewanne konnt.

“Mir haten d’Méiglechkeet, d’Géigend z’entdecken a méi iwwert hier Geschicht an Ëmwelt gewuer ze ginn. D’Schnitzeljuegd huet Spaass gemaach an d’Leit och zesummebruecht!” Umut, giel Ekipp

De pedagogesche Volet

Am Verlaf vun der Wanderung sinn d’Participanten, duerch aktiv Diskussiounen an den Austausch vu Fachwëssen, méi iwwert verschidden Ëmweltthematike gewuer ginn. Zu dëse Sujeten hunn d’Fragmentéierung vun de Liewensraim an d’Bedeitung vun ökologesche Reseauen, d’Geologie vum Minett, den Ofbau an d’Verschaffe vun der Minett an d’Agrëffer an d’Ëmwelt, déi domat am Zesummenhang gehéiert. De Phenomen vum “edge effect” a seng Bedeitung fir Biodiversitéit an Ökologie waren och Sujet.

D’Gewënner vun der Schnitzeljuegd

Déi rosa Ekipp, déi 6 vun de 7 verstoppten Objete fanne konnt, huet d’Kompetitioun gewonnen. Um Schluss vun der Schnitzeljuegd goufen d’Gewënner mat Hunneg aus dem Biosphärereservat belount.

“Ech hunn et flott fonnt, d’Natur vun Esch op eng spilleresch a ganz informativ Manéier entdecken ze kënnen! E grousse Luef un d’Ekipp, déi alles organiséiert huet!” – Christel, rosa Ekipp

 

Loscht, bei eisen nächsten Evenementer dobäi ze sinn?

Wann Dir Iech ugeschwat spiert an bei eisen nächsten Evenementer matmaache wëllt, da suivéiert d'”Minett UNESCO Biosphere” op Facebook, Instagram a LinkedIn a surft reegelméisseg op eise Website.

Verpasst net déi nächst Evenementer, déi mir amgaange sinn ze plangen!