IFEN Formatioun: Biodiversitéit vun der Minett UNESCO Biosphere

Datum(er)

Dës Formatioun verbënnt eng kompakt Aféierung an d’Natur- a Kulturlandschaft vun der Minett UNESCO Biosphere mat enger Excursioun an al Dagebaugebidder. Am Mëttelpunkt stinn d’Biodiversitéit, charakteristesch Liewensraim a praktesch Iddie fir den Asaz am Unterrecht.

Wat erwaart d’Participanten?

D’Participante kréien eng Aféierung an d’Besonneschkeete vun der Minett UNESCO Biosphere a léieren d’Biodiversitéit vun de fréieren Dagebaugebidder  kennen. Dobäi observéieren si charakteristesch Liewensraim wéi Dréchewisen, Fielsbiotoper a Bëscher a léieren ausgewielten Déieren- a Planzenaarte kennen, dorënner Orchideeën, wëll Beien, Päiperleken, Reptilien an d’Bëschléierchen. Ausserdeem kréien si Ureegungen, wéi naturpedagogesch Aktivitéite mat Schoulklasse kënnen organiséiert an an den Unterrecht integréiert ginn.

Zil vun der Formatioun

D’Participante kréie Wëssen a praktesch Iddien, fir zesumme mat Schüler:innen d’Natur vun den alen Dagebaugebidder z’entdecken. Si léieren ekologesch Zesummenhäng am Terrain z’observéieren, typesch Aarten a Liewensraim z’erkennen an d’Theeme Biodiversitéit an nohalteg Entwécklung am Unterrecht opzegräifen.

Zilpublikum: Léier- an Erzéiungspersonal aus dem Fondamental (Zyklus 2–4) an dem Secondaire