Zesumme mam IFEN bitt d’Minett UNESCO Biosphere dofir zwou nei Formatioune fir Léierpersonal un. Déi éischt beschäftegt sech mat der aussergewéinlecher Biodiversitéit vun de fréieren Dagebaugebidder. D’Participanten entdecken d’Dréchewisen, Fielsbiotoper a Bëscher, léiere rar Déieren- a Planzenaarte kennen a kréie konkret Iddie fir naturpedagogesch Aktivitéite mat hire Klassen.

Déi zweet Formatioun beliicht d’Industriegeschicht vum Süde vu Lëtzebuerg – vun der Entdeckung vum Eisenäerz „Minette“ bis zur Ëmwandlung vun alen Industriestanduerter, wéi dem Belval. E Besuch am Nationale Minnemusée zu Rëmeleng bitt dobäi en direkten Abléck an d’Geschicht vum Biergbau.

Béid Formatioune weisen, wéi enk d’Entwécklung vu Landschaft, Gesellschaft a Natur matenee verbonne sinn. Si vermëttelen Hannergrondwëssen, fërderen d’Verständnis fir d’Besonneschkeete vun der Regioun an ënnerstëtzen d’Léierpersonal dobäi, „Natur a Geschicht virun der Hausdier“ konkret an hiren Unterrecht anzebannen.

Fir Léierpersonal: Entdeckt d’Minett UNESCO Biosphere als Léierraum

Notzt d’Geleeënheet, nei Blécker op d’Natur- an Industriegeschicht vu Lëtzebuerg ze gewannen, praktesch Iddie fir den Unterrecht kennenzeléieren an d’Minett UNESCO Biosphär zesumme mat Äre Schülerinnen a Schüler z’entdecken.

Mellt Iech elo iwwer den IFEN fir d’Formatiounen un a maacht d’Minett UNESCO Biosphere zu Ärem nächste Klassesall ënner fräiem Himmel:

• 29.09.2026 – 14:00 bis 17:30 Auer: Biodiversitéit an der Minett UNESCO Biosphere – eenzegaarteg Liewensraim tëscht Natur an Industriegeschicht entdecken (Grondschoul Cycle 2-4 a Secondaire)
  Informatiounen an Umeldung

• 01.10.2026 – 14:00 bis 17:00 Auer: D’Industriegeschicht vun der Minett UNESCO Biosphere – vu rouder Äerd zu gréngem Stol (Grondschoul Cycle 2-4)
  Informatiounen an Umeldung

• 08.10.2026 – 14:00 bis 17:00 Auer: D’Industriegeschicht vun der Minett UNESCO Biosphere – vu rouder Äerd zu gréngem Stol (Secondaire)
  Informatiounen an Umeldung