IFEN-Formatioun: Industriegeschicht vun der Minett UNESCO Biosphere

Datum(er)

D’Minett UNESCO Biosphere ass haut eng aussergewéinlech Kulturlandschaft, an där Natur an Industriegeschicht op eenzegaarteg Aart a Weis zesummekommen. Wéi ass et engem klenge Landwirtschaftsland gelongen, sech bannent e puer Joerzéngten zu enger vun de weltwäit féierende Stolnatiounen z’entwéckelen?

Dës Formatioun zeechent d’Geschicht vun der lëtzebuergescher Stolindustrie no, déi eng wichteg Grondlag duerstellt, fir déi eenzegaarteg Identitéit, d’Wirtschaft an de Multikulturalismus vum Groussherzogtum ze verstoen. E Besuch am Nationale Biergbau-Musée zu Rëmeleng rënnt d’Formatioun of.

Dëse Modul riicht sech u Léierpersounen aus dem Fondamental (Zyklus 2-4) a beliicht d’Geschicht vun der lëtzebuergescher Stolindustrie unhand vu véier Haaptthemen.

D’Participante léieren, wéi d’Entdeckung vum Minette-Eisenäerz, technologesch Innovatiounen an d’Stolindustrie de Süde vu Lëtzebuerg gepräägt hunn. Déi uschléissend Visitt erkläert den industriellen Opstig, déi gesellschaftlech Verännerungen duerch d’Immigratioun an den Iwwergank vun der Stolkris an den 1970er Joren zu enger erfollegräicher Reaffektatioun vu fréieren Industriebroochen, wéi zum Beispill Belval.

Fir d’Excursioun si waarm Kleeder a fest Schong recommandéiert, well d’Temperatur am Biergbau-Musée d’ganzt Joer iwwer bei ronn 10 °C läit.