Mat Standing Ovations ass e Freideg, den 13. Februar, d’Mise en voix vun den Texter, déi no der Residenz vum Kollektiv Le Gueuloir am Café Theaterstiffchen zu Bieles entstane sinn, gefeiert ginn.

De Public, dee komm war, fir dem Laure Roldan, dem Apolline Lecogne an dem Joël Delsaut beim Erziele vun den Texter nozelauschteren, war begeeschtert. „Um Dësch sange mir, an d’Erënnerung ronderëm, danzt.“ Dat sinn d’Wierder vum Franck Lemaire, Regisseur vum Stammdësch – Editioun  2026 – am Café Theaterstiffchen „Beim Mimmchen“ zu Bieles.

Dräi Erzielungen vun Aude-Laure Biver, Fabio Godhino a Paul Mathieu sinn aus enger Residenz vun enger Woch Enn November 2025 ervirgaangen. Dräi Texter, verbonnen duerch d’Obsessioun vun der Zäit, déi vergeet, an eng Erënnerung, déi sech lues verschwënnt. An awer: «Du haut des pyramides de Guizèh, quarante siècles nous contemplent. {À Soleuvre}, le chiffre peut être multiplié par on ne sait combien de millions d’années. Oui, la Terre Rouge est toujours là. Elle porte l’Université de Belval, les orchidées sauvages, les rires des gamins qui inventent des fausses lettres d’évacuation. Elle porte surtout ces cafés où l’on se retrouve, où l’on se raconte, où l’on rit beaucoup et où l’on pleure encore un peu sur les dérives du monde.» (extrait)

© Gemeng Suessem / Nadia Dentzer

De Public huet net laang gezéckt a mat groussem Applaus d’Resultat vun dësem aussergewéinleche Stammdësch gefeiert, deen no der Opféierung vun den Texter mat engem Patt, deen d’Gemeng Suessem offréiert huet, an a Präsenz vun der Buergermeeschtesch Simone Asselborn-Bintz ausklénge gelooss.

De „Rendez-vous Stammdësch“ ass ee vun de grenziwwerschreidenden kulturelle Projeten, déi am Kader vum Interreg-Projet ATRACT-AB (eLo) realiséiert ginn. Dëse Projet ass eng Zesummenaarbecht vun  der Communauté de communes du Pays Haut Val d’Alzette (CCPHVA), der Minett UNESCO Biosphere an der Stad Esch-Uelzecht.