Mir presentéieren iech an Zesummenaarbecht mat der Natur a Bëschverwaltung de Projet „Eis Beem hu Charakter!“.

Den Arrondissement Süde vun der Naturverwaltung ass zesumme mat de Gemengen aus dem Süden, zu deene jo och déi 11 Gemenge vu Pro-Sud an der Minett UNESCO Biosphere zielen, op der Sich no aussergewéinlechen an impressionnante Beem aus der Regioun.

Bekanntlech gesinn zwee puer Ae méi ewéi eent, bei dësem Projet brauche mir souvill Ae wéi méiglech, an dofir brauche mir är Hëllef!

Wann dir engem aussergewéinleche Bam begéint, da schéckt einfach eng Foto an d’Lokalisatioun vun Ärem Bam un eisbeem.as@anf.etat.lu.

Fir zousätzlech Informatioune rufft um 247-56783 un.