Op de Spuere vum Eisen aus dem Zäitalter vum Jura

Datum(er)

Atelier fir jidderee vum Naturmusée Lëtzebuerg

D’Minett-Eisenäerz steet um Ufank vun der industrieller Entwécklung vu Lëtzebuerg. Déi fréier Dagebaugebidder sinn haut Hotspots vun der Biodiversitéit, droen awer nach ëmmer d'Spuere vun hirer geologescher Vergaangenheet.

Gitt mat op Entdeckungsrees duerch déi al Geschicht vum Minett an duerch déi fréier Ökosystemer vun der Jurazäit, an där d’Eisenäerz viru 175 Millioune Joer entstanen ass.

Guide: Robert Weis. De Robert Weis ass wëssenschaftlechen Assistent a responsabel fir d’paleontologesch Sammlungen am Naturmusée. Hien huet d’Ëmsetzung vum neie geologesche Circuit am Giele Botter koordinéiert a ass och Co-Auteur vu verschidde Bicher iwwer d’Geologie vum Minett.

Sprooch vun der Visitt: Lëtzebuergesch

Alter: Recommandéiert ab 14 Joer