Fir den 42. Episod vun eisem Podcast Minett Mash-Up si mer emol nees eng Kéier um Belval, awer an deem Deel vum Quartier, deen zu der Gemeng Suessem gehéiert. Dës Gemeng, déi aus de véier Uertschafte Bieles, Zolwer, Éilereng a Suessem besteet, ass eng Plaz wou d’Industrie- an Naturierwen vun der Minett Biosphere sech perfekt ergänzen. An och wann d’Marieke vum Musée vun der Aarbechter krankheetsbedéngt net konnt dobäi sinn, kommen d’Froen aus dem Beräich vun der Aarbecht, nieft deenen, déi sech mam industrielle Patrimoine, der Natur an eisem Gaascht befaassen, netz e kuerz.

Eis „Minett-Location“ vum Mount: De Pavillon Source Belval

D’Location vun dëser Episod ass de Pavillon vun der Source Belval, eng Plaz, déi als Erënnerung un dat fréiert Belvaler Mineralwaasser am Kader vun Esch2022 geschafe gouf. D’Plaz, wou een a gemittlecher Atmosphär eppes drénken oder eppes Klenges iesse kann, ass en Hommage un d’ industriell Vergaangenheet vun der Quell Bel-Val.

Net wäit vun der Source vun engem vun de renomméiertste Mineralwaasser weltwäit aus dem fréien 20. Joerhonnert gëtt haut un dëst Stéck Lëtzebuerger Industriegeschicht erënnert. Am aktuellen Episod vum Minett Mash-Up geet et och ëm d’Potenzial, d’Source Bel-Val an edukativ oder touristesch Projeten z’integréieren, fir d’Bewosstsi fir d’Bedeitung vum Waasser am lokale Patrimoine ze stäerken. D’Plaz symboliséiert d’Verbindung tëscht der industrieller Kultur an den natierleche Schätz vun der Minett-Regioun.

Eise Gaascht: Simone Asselborn-Bintz

Den Invité vun dësem Episod ass d’Simone Asselborn-Bintz, d’Buergermeeschtesch vu Suessem an déi eenzeg Fra un der Spëtzt vun enger vun den eelef Gemengen an der Minett Biosphere. Am Gespréich gëtt hir politesch Carrière beliicht, inklusiv den Ënnerscheed tëscht hirem Mandat als Buergermeeschtesch an hirer Zäit an der Chamber. Mir ginn der Fro no, firwat et esou wéineg Fraen un der Spëtzt vu Lëtzebuerger Gemenge gëtt an d’Simone Asselborn-Bintz erzielt eis och iwwer hire perséinleche Wee an d’Politik, wou hir Elteren, de Schauspiller Aly Bintz an d’Radiosspeakerin an Escher Lokalpolitikerin Micky Erpelding, éischter eng Brems ewéi eng Motivatioun waren.

Als fréier Educatrice erkläert eis Invitée eis awer och, wéi hir berufflech Erfarung hir politesch Usiichten, besonnesch am soziale Beräich, beaflosst huet a si deelt och hir Perspektiven zur Gläichstellung vu Fraen a Männer um Aarbechtsmaart an an der Politik mat eis. An och d’Bëschléierchen, deen heemleche Star vun eisem Biosphärereservat ass e Sujet am Gespréich mat der engagéierter Lokalpolitikerin.

© Minett UNESCO Biosphere

 Eise Quiz

A wéi enge Joren huet d’Produktioun vun der Bel-Val Quell opgehalen?

1. 1925
2. 1930
3. 1935*

 

Wéi vill Leit hunn am Joer 1907/08 an der Fabrik geschafft, déi d’Waasser vun der „Source du Bel-Val“ a Fläschen ofgefëllt an d’Limonade produzéiert huet?

1. ronn 15 Leit
2. ronn 50 Leit*
3. ronn 100 Leit

 

Wéi huet sech de Bestand u Bruttkoppele vun der Bëschléierchen an der Minett Biosphere tëscht 2019 an 2024 entwéckelt?

1. se ass ëm 3 Koppelen zeréckgaangen
2. se ass exakt konstant bliwwen
3. se ass ëm 10 Koppele gewuess*

 

Links bei d’Sujete vun dësem Episod:

• Gemeng Suessem: Eng vun den 11 Gemengen aus der Minett UNESCO Biosphere
• Belval: Quartier, deen op engem Deel vum der Schmelz Esch-Belval entstanen ass an zu 2/3 um Territoire vun der Gemeng Suessem läit
• Pavillon Source Belval: Pavillon, deen un d’Geschicht vum Mineralwaasser vu Belval erënnert a wou een och eppes Klenges iessen oder e Patt drénke kann
• Park Belval: grousse Park um Site vum Belval, deen tëscht dem Square Mile an de Bieleser Wunnquartiere läit
• Kultur- a Geschichtshaus “A Gadder”: Archiv a Lokal-Musée vun der Gemeng Suessem
• De Wee vum Steen: Trëppeltour zu Bieles bei den alen “Konkasser”
• Journée Européenne du Patrimoine: Initiativ mat där a ganz Europa dat historescht Ierwe valoriséiert gëtt
• Aly Bintz: Audioportrait vun engem vun de bedeitesten Lëtzebuerger Entertainer aus dem 20. Joerhonnert. Hie war de Papp vun der Simone Asselborn-Bintz
• Micki Erpelding: Entertainerin, Radiospeakerin an Escher Lokalpolitikerin. Si war mam Aly Bintz bestuet an d’Mamm vun der Simone Asselborn-Bintz.
• Bieleser Gaalgebierg: Spill- a Grillplaz op der Kopp tëscht Bieles, Zolwer an Uewerkuer
• Léierpad Zolwerknapp: Pedagogesche Rondwee ronderëm d’Theema Natur zu Zolwer
• Schlass Suessem: historescht Gebai aus dem 18. Joerhonnert, wat aus enger Buerg, déi am 13. Joerhonnert gebaut gouf, ervirgaangen ass
• Bëschléierchen: klenge Zuchvull, deen um Buedem bréit an deen zu de Key-Species vum Minett gehéiert

 

Kontaktéiert eis: