Dem Stradivari säi Kaddo

Datiert

D’Schlappeconcerten ginn an déi fënneft Saison! An dëser Serie vu Familljenconcerten, gespillt an erzielt vun Enseignanten aus dem Escher Conservatoire, begéinen sech Wuert a Musek.

An dësem Märchen entféiere mer iech op eng musikalesch Rees duerch Italien am 17. Joerhonnert, begleet duerch déi zauberhaft Kläng vu Gei a Piano. Erzielt gëtt d’Geschicht vum jonken Hofmusikant Raphael a senger grousser Léift fir d‘Musek a seng Passioun fir de Geienbauer Antonio Stradivari.

Kanner bréngt all är Schlappe mat, well et gëtt gemittlech!

Et wierke mat: Caroline Reuter (Gei), Stefanie Duprel (Piano), Sharon André (Erzielung, Iwwersetzung a Konzept).

Dauer ca. 50 Min., Alter ab 4 Joer