Lët'z druddel!

Datiert

"Lët’z druddel!": Gewënner vum Nationale Lëtzebuerger Literaturconcours a vum Lëtzebuerger Buchpräis 2025 kënnt fir en humoristeschen Owend op Diddeleng!

D'Spille mat der Lëtzebuerger Sprooch, d’Verdréine vu bekannte Geschichten, d’An-d’Lächerlecht-Zéie vun agesiessene Gewunnechten a Klischeeën iwwer Männer am Baumaart a Fraen am Schongbuttek, Krankheeten oder deen allsäits beléiften Thema vun de Vakanzen, all dat ass Sénges! De Marc Weydert, Lëtzebuerger Auteur a Laureat vum Concours littéraire national 2021 a vum Lëtzebuerger Buchpräis 2025 kënnt fir e lëschtegen Owend voller Ironie, Wuertwitz a Parodien op Diddeleng a presentéiert seng Sammlung vun humoristeschen Texter a Lidder an engem gesellege Kader. Mat derbäi sinn och en neie Reenert, eng méiglech Fortsetzung vun der Maus Ketti an e Roude Léif, deen esou d’Flemm huet, datt hien d’Paart vum Kolmer Schlass klaakt a senger Wee geet, fir eng nei Karriär unzefänken.

Dauer: 2 Stonnen (mat Paus)

Fir Iessen an Drénken ass gesuergt!

***

- Liesung fir Erwuessener op Lëtzebuergesch

- Mëttwochs, 28. Oktober 2026, 19h00-21h00

- An der Bibliothéik

D'Plaze si limitéiert

Gratis Entrée op Reservatioun:

51 61 21 250

bibliotheque@dudelange.lu