Youth Forum 23
Zweete Jugendforum zu Lëtzebuerg
12. – 16. Juli 2023 zu Esch-Uelzecht (L)
Mir sichen 20 jonk Persounen tëscht 18 an 28 Joer, déi un dëser spannender Erfarung wëllen deelhuelen.
D’Participante wäerten aus Däitschland (4 Persounen), Frankräich (4 Persounen), Schweden (4 Persounen) an natierlech aus Lëtzebuerg (8 Persounen) kommen.
D’Participatioun ass fir jidderee gratis (Urees an Hebergement gi vun ERASMUS+ iwwerholl), zesumme mat engem Coordinateur / enger Coordinatrice aus all Land, wat um Forum dobäi ass.
Nom Succès vum éischte Jugendforum, am Abrëll 2022, gëtt dës Kéier u konkrete Léisung fir en existenten Ëmweltprobleem an der Minett UNESCO Biosphere, deen am leschte Joer identifizéiert konnt ginn, geschafft.
